ਅੱਜ ਨਸ਼ਿਆਂ ਨੇ ਪੱਟ ਤਾ ਪੰਜਾਬ ਮੇਰੇ ਬੇਲੀਓ

ਕਿਤੇ ਸੀਗਾ ਡੋਲਿਆਂ ਤੇ ਮਾਣ ਮੇਰੇ ਬੇਲੀਓ,
ਅੱਜ ਨਸ਼ਿਆਂ ਨੇ ਪੱਟ ਤਾ ਪੰਜਾਬ ਮੇਰੇ ਬੇਲੀਓ 

ਠੇਕਿਆਂ ਦੀ ਹੁਣ ਭਰਮਾਰ ਹੋ ਗਈ,
ਭੁਕੀ ਤੇ ਸਮੈਕ ਦੀ ਬਹਾਰ ਹੋ ਗਈ,
ਰੇੜੀ ਬੀੜੀਆਂ ਦੀ ਹੋਈ ਬੇਹਿਸਾਬ ਮੇਰੇ ਬੇਲੀਓ,
ਅੱਜ ਨਸ਼ਿਆਂ ਨੇ ਪੱਟ ਤਾ ਪੰਜਾਬ ਮੇਰੇ ਬੇਲੀਓ 

ਉਚੇ ਲੰਬੇ ਕਦ ਸੀਗੇ, ਧੂੜਾਂ ਪੱਟਦੇ,
ਵੈਰੀ ਨਾਲ ਖਹਿ, ਯੋਧੇ ਵੈਰ ਖੱਟਦੇ,

ਬੋਤਲ ਨੇ ਕਰ ਤਾ ਬਰਬਾਦ ਮੇਰੇ ਬੇਲੀਓ,
ਅੱਜ ਨਸ਼ਿਆਂ ਨੇ ਪੱਟ ਤਾ ਪੰਜਾਬ ਮੇਰੇ ਬੇਲੀਓ

ਅਜੇ ਵੀ ਏ ਮੋਕਾ, ਘਰੇ ਮੁੜ ਬੇਲੀਆ,
ਕੁਛ ਨਹੀਓਂ ਹੈਗਾ ਏਹਦੇ ਵਿਚ ਬੇਲੀਆ,
ਇਜਤਾਂ ਨੂੰ ਕਰੂ ਤਾਰੋ ਤਾਰ ਮੇਰੇ ਬੇਲੀਓ
ਅੱਜ ਨਸ਼ਿਆਂ ਨੇ ਪੱਟ ਤਾ ਪੰਜਾਬ ਮੇਰੇ ਬੇਲੀਓ

( ਅਖੀਰਲਾ ਬੰਦ ਗੁਰਦਾਸ ਮਾਨ ਜੀ ਦੇ ਨਾਮ ਜਿਨਾ ਨੇ ਆਪਣਾ ਪੰਜਾਬ ਹੋਵੇ , ਘਰ ਦੀ ਸ਼ਰਾਬ ਹੋਵੇ ਗਾ ਗਾ ਧੂੜਾਂ ਪੱਟੀਆਂ)

"ਤੇਜ" ਗਾਇਕਾਂ ਨੇ ਅੱਜ ਪੂਰੀ ਵਾਹ ਲਾ ਦਿਤੀ,
ਘਰ ਦੀ ਸ਼ਰਾਬ ਕੱਡ ਗਾਹ ਪਾ ਦਿਤੀ,
ਹੁਣ ਸੜਕ ਤੇ ਰੁਲਦਾ ਨਵਾਬ ਮੇਰੇ ਬੇਲੀਓ,
ਹੁਣ ਗਾਇਕਾਂ ਨੇ ਪੱਟ ਤਾ ਪੰਜਾਬ ਮੇਰੇ ਬੇਲੀਓ

ਡਾ ਕਵਲਜੀਤ ਸਿੰਘ, ਸਿਡਨੀ